الخميس، 2 أغسطس، 2012

عن افتقاد روح القرار الثوري بمصر


نفتقد في مصر الروح الثورية والقرار الثوري، مما يجعلنا شعب وسلطة حاكمة نتعامل مع ثورة 25 يناير-لا يختلف أحد على أنها بدأت كثورة وليست حركة إصلاحية- نتعامل مع ثورة قد نشبت على أنها حركة إصلاحية، فالثورات لا تقبل بحلول وسط، ومع ذلك تقبل "الثورة" المصرية بالحلول الوسط، يعني مثلاً .. كيف يقبل الثوار المصريون بأن تظل قيادات الجيش الفاسدة هذه التي أمرت بتعرية ست البنات والتي أشرفت على دهس المتظاهرين الأقباط عند ماسبيرو والتي وضعت يدها في يد المخلوع مُبارك، والتي قتلت من صفوف الثوار العديد وفقأت أعين أُخَر، أن تحمي حدودنا ؟! كيف تأمنون لمن بسجونهم المئات من الثوار ؟! هل من المعقول أن نأتمنهم على حدود مصرنا العزيزة ؟؟
مفهوم " القرار الثوري " قد يبدو مطاطياً وهو كذلك، يعني مثلاً بالنسبة لجماعة الإخوان المسلمين الذين يعتبرون هتاف (ع الأقصى .. رايحين .. شُهداء بالملايين) من جامع الأزهر هو أقصى ثوريتهم ، بينما بالنسبة لي شخصياً أن أُحرر الأقصى فعليًا تلك هي الثورية الحقيقية .. تختلف المعايير.
ولاختلاف معايير الثورية .. لم يُقَل النائب العام، ولم تُلغ وزارة الإعلام .. رغم كُل هذا الكم الهائل من الإلحاح لتنفيذ هذين المطلبين، لكن يا راجل، " انت عايز السُلطة المصرية تعمل قرار (يبدو لها) ثوريًا وعليه القيمة كمان ؟ ".


علي هشام
3 أغسطس 2012

هناك 6 تعليقات:

  1. أوافقك الرأى تماما...

    ردحذف
  2. كلامك مقنع جدا. و فعلا ده اللي نسيناه وسط كل المشاكل اللي بتحصل. ان الثورة لا تقبل بحلول وسط.

    ردحذف
  3. عقلانية جدا و مقتنعة ....و ربنا ينصر الثورة و يرجعلنا روحها ...أحييك

    ردحذف
  4. كلامك صح ، وأنا مقتنعة به 100% ,بس لو احنا طالبنا بإلغاء وزارة العدل ، رئيس الجمهورية نفسه ممكن يقول "لأ ده تشكيل حكومي ، ولازم يكون في مراقب" والكلامم الفاضي ده .... بس أنا شايفة ان كلامك صح

    ردحذف
  5. تصدق فعلا محدش أخد باله من الموضوع ده .. بس بالنسبة لنقطة الثورية .. انت عندك حق فيها آه .. بس لو بصيتلها كويس .. هتلاقيها غلطة الثوار من البداية .. رضينا بالمشير .. و بعدها الأحزاب و الحركات تتصارع .. و شوية الإخوان هووووووب بوظوا الدنيا خالص.. و مدعي الليبرالية..حاجات كتيرة احنا مخدناش بالنا منها..عشان كدة في ناس مش هقولك بتعتبرها حركة إصلاحية..لألألأ .. دي " أحداث شغب " قام بها " حبة بلطجية و محششين " و عيال "صيع"
    بس حياك :) أسلوبك حلو في التدوينة دي.

    ردحذف